Rheoleiddio

Y Ddeddf Gwasanaethau Post 2000 a sefydlodd Postcomm, y Comisiwn Gwasanaethau Post, yn rheolydd ar ddarparwyr gwasanaethau post yn y DU

Mae’r Ddeddf yn gofyn i Postcomm sicrhau darpariaeth o wasanaeth post cyffredinol, am bris unffurf, ledled y DU.  Mae Postcomm yn gyfrifol hefyd am hyrwyddo cystadleuaeth effeithiol rhwng gweithredyddion post os yw er budd y cwsmeriaid. Mae angen trwydded Postcomm ar yr holl gwmnïau neu unigolion sy’n cludo llythyrau sy’n pwyso llai na 350 gram. Erbyn mis Rhagfyr 2005, roedd Trwyddedau wedi’u caniatáu i 15 cwmni, gan gynnwys Grwp y Post Brenhinol. 

Gellir gorfodir pob trwydded yn gyfreithiol. Mae deiliaid trwyddedi wedi’u hawdurdodi i gludo llythyrau yn y DU, ar yr amod eu bod yn cydymffurfio â’r amodau a amlinellwyd yn eu trwydded.  Mae’r amodau yn cynnwys gofyniad i gadw at godau arfer y gwasanaethau post, i ddarparu gwybodaeth i Postcomm a sefydlu systemau i ddelio â chwynion. Yn unigryw, mae trwydded y Post Brenhinol hefyd yn cynnwys safonau gwasanaeth gorfodol, yn cyfyngu ar y prisiau y gallwn godi ar ein cwsmeriaid, ac yn gofyn i ni ddarparu gwasanaeth post cyffredinol.

Mae’r adran hon ar ein gwefan yn cynnwys copi o’n Trwydded Gweithredu, a’n hymatebion i gynigion Postcomm am newidiadau i’r fframwaith rheoleiddio.