Archif ac Amgueddfa Bost Prydeinig

O stamp llofnod y nofelydd Anthony Trollope – a weithiodd i’r Post Brenhinol am 33 o flynyddoedd er 1834 – i fapiau hynafol, posteri clasurol a hyd yn oed beic pum olwyn, mae casgliad y BPMA yn cynnwys amrywiaeth hynod o arteffactau a chofnodion.

Mae gan y Post Brenhinol le unigryw a phwysig mewn hanes.  Mae’n bleser gennym gefnogi etifeddiaeth bost Prydain trwy ariannu’r BPMA, yn cynnwys rhodd o £500,000 ar gyfer 2012 a chefnogi’r penderfyniad a gyhoeddwyd yn ddiweddar i symud i Calthorpe House, yn Mount Pleasant yn Llundain, lle mae canolfan bost hynaf y wlad wedi ei lleoli.

Bydd hyn yn caniatáu sefydlu Amgueddfa Bost newydd i gadw casgliadau’r BPMA – yn cynnwys archifau’r Post Brenhinol.

O ganlyniad, bydd stori ddynol cyfathrebu, diwydiant ac arloesi – sy’n parhau heddiw trwy waith Grŵp y Post Brenhinol – yn fwy hygyrch i’r cyhoedd.

A wyddoch chi?

Gallwch ymweld â’r BPMA yn Llundain i ddefnyddio Archif y Post Brenhinol.  Os ydych yn ymchwilio i hanes eich teulu, er enghraifft, efallai y gallech ddod o hyd i wybodaeth am gyndeidiau oedd yn gweithio i’r gwasanaeth post. Mae gwrthrychau diddordol i’w gweld hefyd o’r gorffennol pell (ac nid mor bell) yn storfa’r BPMA ar ddiwrnodau agored arbennig.